Tett løp i Jondal

Medan rett over halvparten av jondølingane som røysta i folkerøystinga i går vil at Jondal skal halda fram som eigen kommune, har nesten like mange stemt for at dei ønskjer ei eller annan form for samanslåing.

50,39 prosent av dei som røysta ønskjer at Jondal skal halda fram som eigen kommune, medan 39,69 prosent ønskjer at Jondal skal slå seg saman med Odda og Ullensvang.

Alternativet med samanslåing med Kvam fekk berre 9, 46 prosent.

Samanlagt ønskjer 49,15 prosent av innbyggjarane at kommunen skal slå seg saman med andre kommunar, og det kan difor verta ein jamn kamp mellom partia som ønskjer å slå seg saman og Sp som vil stå aleine i kommunestyret i juni.

Dersom KrF, som tidlegare har støtta Kvam alternativet, i staden vel å stemma for Odda–Ullensvang–Jondal-alternativet, kan H, Ap og KrF få eit fleirtal for samanslåing i kommunestyret.