Trafikkulukke i Tørvikbygd

Natt til sundag fekk politiet melding om ei trafikkulukke ved Tørvikbygd, fortel politioverbetjent Andor Helgheim ved Kvam og Samnanger lensmannsdistrikt. Ein bil enda på taket etter å køyrt i autovernet like ved avkøyrsla til Heradstveit.

Det var fire personar i bilen. Ein vart sendt til Haukeland universitetssjukehus med lettare skadar. Den unge kvinnelege bilføraren fekk førarkortet kverrsett. Det er ikkje mistanke om ruskøyring, men høg fart kan vera årsaka til ulukka. Saka vert etterforska.