Tett løp etter førehandsrøysting i Jondal

Førebelse tal basert på førehandsrøystinga i Jondal syner at det kan gå mot eit tett løp mellom alternativa med samanslåing med Odda og Ullensvang og å stå åleine.

154 personar har førehandsrøysta. Dette er 16,9 prosent av dei røysteføre. Førebelse tal syner at det kan gå mot eit spanande valoppgjer i Jondal, skriv kommunen på nettsida si. 
42,9 prosent av dei som røysta på førehand har stemt for at Jondal skal halda fram som eigen kommune, medan 42,2 prosent har stemt for ei samanslåing med Ullensvang og Jondal. 
Skal ein tru den førebelse prognosen, vert ei samanslåing med Kvam ikkje like aktuelt. Berre 14,3 prosent av dei som har røysta på førehand stemte for dette alternativet. 
Det endelege resultatet vil truleg vera klart kring 22.30, skriv kommunen.