Fjerna skilt, ville vaska bilar

Laurdag kveld fekk politiet melding om at ungdomar hadde fjerna vegskilt ved anleggsområdet mellom Tolo og Nes. Dei hadde i staden sett opp eigne skilt. Ifølgje teksten tilbaud dei vask av bilvindauga. Ungdomane var til plage og skal ha kasta vaskekosten etter bilar som ikkje ynskte tenesta, opplyser politioverbetjent Andor Helgheim i Kvam og Samnanger lensmannsdistrikt.

Entreprenøren som arbeider i området, GBS entreprenør AS, har varsla politiet om hærverk på skilt. Same selskapet har varsla om at ein lysbjelke er stolen frå ei gravemaskin i anleggsområdet aust for Best-stasjonen i Steinsdalen, fortel Helgheim.