Fleire kvemmingar er med på ryddeaksjon

Den nasjonale vårdugnaden Hold Norge rent starta 18. april og varer til 6. mai. I år er det 14 deltakarar frå Kvam, mot seks i fjor, skriv Bir AS i ein e-post til HF.

Bir inviterer burettslag, velforeiningar, skular, barnehagar og andre til å vera med på aksjonen for å gjera nabolaget og nærmiljøet fint til festdagane i mai.

Deltakarane i Kvam er Norheim vel, Tolohagen vel, Sandvenhagen grendelag, Grønne epler, Vavollen vel, Torpe grendelag, Fykse grendeutval, Tolomarka grendelag, Soldal og Skåre grendelag, Lundanes grendelag, Gartveit vel, Norheimsund skule og Heleberhaugen vel.

Bir skriv på heimesida at selskapet hentar brennbart boss frå aksjonen gratis etter avtale. Ein kan ikkje levera store gjenstandar som gamle syklar, plankehaugar, møblar eller hageavfall til bossbilen, og heller ikkje stein, sand og grus.