Foto: Katrine Helgheim

Stein i vegen ved Fyksesund bru

Måndag føremiddag fekk Hordaland Folkeblad tips om ein stor stein i vegen på fylkesveg 7 like etter Fyksesund bru, i retning Voss. Korkje kommunegeolog, Tore Dolvik, eller politiet hadde vorte varsla om steinen då HF tok kontakt, men Vegtrafikksentralen kunne opplysa om at det var folk på veg for å rydda opp, og for å undersøkja nærare kva som er årsaka til at steinen har hamna i vegen.

– Mest sannsynleg har steinen losna i samband med is- og vassmelting, men eg torer ikkje å seia det med sikkerheit før me har hatt folk på staden. Om det viser seg å vera fare for ras i området, vert geolog tilkalla for å undersøkja terrenget nærare, var beskjeden frå Vegtrafikksentralen sin pressekontakt måndag ettermiddag.